اہل بیت(ع) نیوز ایجنسی۔ابنا۔ سعودی عرب کے دسیوں ہزار شیعہ مسلمانوں نے پیر کے دن شہدا کے جلوس جنازہ میں شرکت کی-
رپورٹ کے مطابق سعودی عرب اور بحرین کے دسیوں ہزار شیعہ مسلمانوں نے دہشت گردانہ حملے میں شہید ہونے والوں کے جلوس جنازہ میں شرکت کی- المیادین ٹی وی چینل نے بھی رپورٹ دی ہے کہ پیر کے دن قطیف میں واقع شیعہ مسلمانوں کی مسجد امام علی ع میں دہشت گردانہ حملے میں شہید ہونے والوں کی نمازہ جنازہ اور تدفین کی رسومات ادا کردی گئیں- شہداء کے جلوس جنازہ میں سعودی عرب اور بحرین کے دسیوں ہزار افراد نے شرکت کی- انھوں نے اپنے ہاتھوں میں علم اٹھا رکھے تھے- وہ نعرے لگا رہے تھے کہ ہم کو فتنہ گر علما کے فتووں کی بنیاد پر مارا جا رہا ہے- واضح رہے کہ سعودی عرب کی پولیس نے اس موقع پر مشرقی علاقے میں واقع صوبے الاحسا کا محاصرہ کر رکھا تھا- سعودی عرب کی پولیس کا مقصد دوسرے شہروں کے باشندوں کو شہدا کے جلوس جنازہ میں شرکت سے روکنا تھا- جمعے کے دن سعودی عرب کے مشرقی علاقے قطیف میں واقع مسجد امام علی ع میں دہشت گردانہ حملہ ہوا تھا جس میں اکّیس شیعہ مسلمان نمازی شہید اور سو سے زائد زخمی ہوگئے تھے-
۔۔۔۔۔۔۔۔۔۔۔۔۔۔۔
۲۴۲
